Kwento ni Nett del Rosario. Sigurado ako siya ag nagkwento sa akin. Siya ang pinakaliterary na kakilala ko sa aking mga naging kaeskwela sa Normal.
Walang binatbat ang mga short stories ni Nick Joaquin sa kwento ni Nett . Ang kwento ay sumagi sa aking memory habang nagliliwaliw ako sa isang Filipino store sa National City. Patungkol ang kwento sa mga araw araw na gawi ng mga nag-uulam ng tuyo, tinik at iba pa, maging ang mga pangkaraniwang isda, tulad ng bangus.
Isang mahirap na pamilya raw ang binisita, ayon sa kwento ni Nett. Si Nett din pala ang nagkwento sa akin tungkol sa isang bata na pumigil sa malaking baha sa Holland sa pamamagitan ng paggamit ng kanyang hintuturo. Tuloy ng kwento ni Nett.
Kaugalian ng mga Pilipino, lalo na sa mga mahihirap, ang magbigay ng the best sa kanilang mga bisita. Kahit ipang-utang pa. Kaya itong pamilya ay nag serve ng buong pritong isda sa kanilang bisita.
The best at pinaka mahal ang maya-maya. Pagkakataon ko nang gamitin ang larawan ng maya-maya na kinuha ko sa Manila Seafood City sa National City. Oops, ayaw mag upload, kaya screenshot na lang..
Sa improvised na kwento ni Nett del Rosario, maya-maya ang nagkataung naidaan ng maglalako ng isda. Siyempre, espesyal para sa bisita. Habang kumakain daw ang bisita, sinisilip ng buong pamilya sa pamamagitan ng isang butas sa dingding ang bawat subo ng bisita.
"Ay, binaliktad na ang pritong maya-maya!"
Malungkot ang buong mag-anak dahil inubos ng bisita ang pritong maya-maya. The end ang story.
Round Scad as in galunggong, ang pambansang isda ng mga mahihirap na Pilipino. Noong ako'y mag-aaral pa sa Normal, galunggong ang lagi kong binibili para hapunan naming magkakapatid. Yon lang ang kaya ng budget. Si MJ ang laging nagbibigay ng pamalengke. Minsan nag-iwan ng note si MJ sa ibabaw ng takip ng kaldero kung saan ang paksiw na round scad:
"Ascariasis: don't eat!"
"Kiss my bass!" Special tag sa akin ni Djeline. Apahap pala sa Tagalog ang tawag sa isdang yan. Madalas daw huli to sa Atlantic coast. At ngayon lang ako nakakita ng bass na isda. Rejoinder ang kiss my bass ang aking favorite tag line: go pluck yourself!
Poki ng ina mo rin! Bakit nga ba mura ang tawag sa mga expletives?
Cooking ina, ano nga ba pinag-uusapan natin?
Itong agiw tala ay patungkol pa rin isda. Alam mo ba kung anong masarap na gawing poki? Tuna at octopus! Mawalang galang pu, ang poki pu ay kung sa mga Hapon pa ay sashimi at sa mga Bisaya naman ay kinilaw. Wala tong kinalaman sa okinnana.
Last but not the least: hito or catfish sa English. Ang hito ay may whiskers tulad ng pusa, kaya siguro ito tinawag na pusang isda. Minsan, habang mag-aaral ako sa Asian Social Institute, binigyan ako ng assignment na mag bigay ng name tags sa mga dumadalo sa Asian night. Ang pangalan ng guest na Hapon ay Hirohito.
"How would you like to be called tonight, Hiro or Hito?"
Hiroshimaryosep!
Pero the best ang pocherong catfish!
Ang sangkap:
2 pusang isda, malinis at nahiwa na
hubad na saging
bokchoi o pechay o di kaya repolyo
isang lata ng tomato sauce
paminta o ang iyong favorite na rekado
sapat na tubig
I prito ang pusang isda. Ilagay ang lahat ng sangkap pati na ang pritong pusang isda sa kaldero. Ang pocherong pusang isda ay maglalasang pocherong dalag!
