Katulad ng Los Angeles, irrigated dessert ang San Diego. Ang mga mababang lugar ay mabuhangin at bato-bato pero may mga bulubunduking lugar na madalas ulanin, paminsan mindan may snow din. Ang ulan at natutunaw na snow ay umaagos sa mga sapa ay waterfalls bago sila maging bahagi ng mga ilog. Sa mga di kalayuan ng mga sapa at ilog nanirahan ang mga sinaunang tao, mga Native Americans o mga katutubong kano. mga tepee ay naging mga nayon o sitio, ang mga sitio ay naging komunidad, lumaki sa pagiging bayan o siudad hanggang sa maging county. Ang county ay tila katumbas ng lalawigan sa ibang bansa, katulad ng Pilipinas.
Ang larawan ay kuha sa Warner Springs na minsa'y komunidad ng mga katutubo bago sila sinaklaw ng mga puti mula sa Europa. Kilala ang mga Katutubong Kano na naglakad patungong America mula sa Eurasia sa pamamagitan ng nga lupang nagsilbing tulay mula Siberia, isang rehiyon ng Russia sa bandang Eurasia o North Asia. Ang lupang nagsilbing tulay ng mga mandarayuhan o migrant mula sa Eurasia ay tinawag na Beringia. Ang Beringia ay pinapaniwalaang nabuo dahil sa Quaternary glaciation o ang kilalang terminolohiya na Ice Age o Pleistocene glaciation. Minsan, mas mababa ang dagat kesa sa mga lupa kaya nakatawid ang mga unang mandarayuhan o migrants patungong America. Ang bahagi ng North America na ngayon ay kilalang Alaska ang minsa'y naging port of entry ng mga unang mandarayuhan na tinawag na First Nation sa Canada at napagkamaliang ding Indians ng mga sumakop sa bahagi ng America na naging Estados Unidos.
Kabilang ang Pilipinas sa mga bansang isinaalang-alang na Eurasia pero di ko maisip-isip na lumangoy at naglakad ang aking mga ninuno ng mahigit na dalawampung libong milya para marating ang America. Pero ang aking mga ninuno ay nagmula din sa China kaya may posibilidad din na bahagi rin sa aming angkan ang mga naging First Nations ng Canada at mga Katutubong Kano. Ang likas na pagpapahalaga sa kalikasan ang ilan lang sa mga katangian na aking ipinagmamalaki sa aking mga ninuno. Malamang ang aking pagiging gala ay isa sa mga katangian na namana ko sa aking mga ninunong Katutubong Kano.
